البوم: العزيز

  • البوم : البوم: العزيز
  • صدر سنة : 1990
الغلاف اسم الاغنية الوقت
سلمتك بيد الله song cover سلمتك بيد الله ألحان : كاظم الساهر كلمات : عزيز الرسام الفنان: كاظم الساهر المزيد من التفاصيل 8:02

سلمتك بيد الله


سلمتك بيد الله يا محملني أذية
يا ريت ما شفتك وش جابك عليّه
ما أرضى بلا حب ولا أترجاه منك
يا ظالم لا ترحم ما يبجيني عذابك
ما أشكي وأتألم لا يغرك شبابك
دنيا وبيها أعيش غصباً عني وعنك
ما أرضى بلا حب ولا أترجاه منك
أنا أعرفك وأعرف طبعك
تريد المجروح ( الملجوم ) يتبعك
وأعرف من تتألم تظلم
اللي يعرفك هو الل يحكم
يا ظالم لا ترحم ما يبجيني عذابك
ما أشكي وأتألم لا يغرك شبابك
دنيا وبيها أعيش غصباً عني وعنك
ما أرضى بلا حب ولا أترجاه منك
لا تجامل وتقلي شلونك ؟؟
ما تهزني بدموع عيونك
لا تحاول بالحب تخدعني
وبطيبة ورقة تعاملني
يا ظالم لا ترحم ما يبجيني عذابك
ما أشكي وأتألم لا يغرك شبابك
دنيا وبيها أعيش غصباً عني وعنك
ما أرضى بلا حب ولا أترجاه منك
ميسور الحال song cover ميسور الحال ألحان : كاظم الساهر كلمات : كاظم السعدي الفنان: كاظم الساهر المزيد من التفاصيل 6:55

ميسور الحال


ما عندي ألماس القصر لكني ميسور الحال
عندي قلب ليرة ذهب وصحتي عال العال
ما أواعدج إلا أوفي بموعدي
خطوة .. خطوة منا حبنا يبتدي
بيت على قد أحلامنا وعيشة على قد الحال
تغنينا كلمة من القلب والغنى مو بالمال
لأجيب لج خاتم ذهب من الشمس
وأجيب لج من القمر ثوب العرس
ثيابج تخيطها محلتنا
صاف الذهب صافي محبتنا
بيت على قد أحلامنا وعيشة على قد الحال
تغنينا كلمة من القلب والغنى مو بالمال
ذراعي تصير وسادتج أنعم وأحن من الريش
بساطنا الحب والوفا شلون ما نريد نعيش
الدنيا ببساطتنا نحليها
حتى خسارتنا نمح بيها
بيت على قد أحلامنا وعيشة على قد الحال
تغنينا كلمة من القلب والغنى مو بالمال

***********************
الراحة مو مال وذهب
الراحة راحة البال
نتقاسم الخبزة سوى
تكفينا سنين طوال
سنين وياك متغرب song cover سنين وياك متغرب ألحان : كاظم الساهر كلمات : عزيز الرسام الفنان: كاظم الساهر المزيد من التفاصيل 8:56

تـــارك أهــلـــي


سنين وياك متغرب .. ناسي أهل وأصحابي
خليتك عزيز الروح .. أول وآخر أحبابي
لكن أنت ما تنلام .. ما تعرف قدر نفسك
حياتك دنيا مهجورة .. ومضيعه صدى حسك
سنين وقلبي متحمل.. وشايل سهمك بصدري
وأنت بدنيا متنعم .. وأنا بحرقتي وقهري
ضاعت بالهوى شكواي .. إلمن أشتكي منك
مترافق عذابي وياك .. بيا صورة أبتعد عنك؟؟
أسهر لو أنام وياك .. مرافقني مثل ظلي
بدمي عايش وبروحي
بس أنت صرت خلي
سنين وقلبي متحمل .. وشايل سهمك بصدري
ضحكتة بعيونه song cover ضحكتة بعيونه ألحان : كاظم الساهر كلمات : ابراهيم جبار الفنان: كاظم الساهر المزيد من التفاصيل 4:28

ضــحــكـتــه بـعــيـونــه


ضحكته بعيونه هذا الحلو
الورد من لونه هذا الحلو
هذا الحلو غصن بان عوده
ومورده خدوده
الكل يحبونه هذا الحلو
يزعل أراضيه .. يحزن أواسيه
بعمري أفديه .. تستاهل عيونه
ضحكته بعيونه هذا الحلو
الورد من لونه هذا الحلو
هذا الحلو
من يشكي محلاه ..
بأحضاني ألقاه...
بالدنيا والله ما أبدل عيونه
ضحكته بعيونه هذا الحلو
الورد من لونه هذا الحلو
الــعـزيز song cover الــعـزيز ألحان : كاظم الساهر كلمات : اسعد الغريري و عزيز الرسام الفنان: كاظم الساهر المزيد من التفاصيل 8:44

الـــعـــزيــــز


نصي ثلج نصي نار ..
بردان أصيح من الثلج
وآه أصيح من النار
لك لا النار ذوبت لي الثلج
و لا الثلج طفى لي النار

اسعد الغريري
**************
يا لعزيز شلون أودعك .. وبيدي احجز للسفر
أضحك بوجهك كذب .. و أنا كاتلني القهر
ألف طعنه أنطعن .. وأنضرب مليون خنجر
وما أمر بهيجي حالة وأحترق وعودي أخضر
خلي أشبع شوف منك قبل ما تشد الرحال
أنطيني فرصة يالعزيز أبجي بأحضانك تعال
يا لعزيز لا بيدك ولا بيديه
يا لعزيز لا تحزن عليّه ..
يا لعزيز أثنينا صرنا الضحيه
أمسح دموعك حبيبي
كافي مو دمرني دمعك يالعزيز
إذا هسه النار بيه شحال لو عني رحت
والله أبجي الناس كلها بصيحة وحده لو صحت
يا لعزيز أرحم بحالي يا عمري
يا لعزيز النار وك تاكل بصدري
أحبس دموعك حبيبي
كافي مو دمرني دمعك يا لعزيز
متحرك احساسي song cover متحرك احساسي ألحان : كاظم الساهر كلمات : ابراهيم الكاطع و عزيز الرسام الفنان: كاظم الساهر المزيد من التفاصيل 10:52

مــا تحرك إحساسي


ولا كنك يا ساهر فوق الرمال
معلق خلصت عمرك بالأسفار
وما دامك يا ساهر فوق الرمال
ما عندك حبيبة ولا إلك تار
كان الفرح عندي طير محبوس
لقى فرصة أتعلق بالسما و طار
شيفيدك لو تجر كل المواويل
وشيفيدك لو تردد كل الأشعار
شيفيد تمر نهر بولاية مهجورة
ولك كافي يا ساهر تظل مثل الأرض
يومية لك تارا
إبراهيم الكاطع
**************
تبجي ما تبجي أبد .. بعد ما تحرك إحساسي
أنت مو صادق في دمعك أنت ظالم أنت قاسي
تذكر إش سويت بيه من أجيتك أبجي دم
قابلتني بكل برود و أنا قدامك أتألم
ورجعت وحدي لغرفتي مقابل أثاثي القديم
حتى مكتبتي و أوراقي صارت لجرحي نديم
أصرخ ومن يدري بيّه ؟؟ الصدى يرجع عليّه
أنشلت أقدامي وأيديه مرمي ما بين الكراسي
ظلت عيوني عليك .. وقلبي يرجف بين أيديه
آه يالقسوة الل بيك .. رجعتني محني راسي
ورجعت منك حزين.. صدري عبرات وأنين
يا للي ما هزك حنين .. و آني لأجلك بعت ناسي
شفت نفسك انتهيت.. تذكرتني و هسه جيت
يا ما من ظلمك بجيت .. تريد أذكرك إذا ناسي
كافي إنت تجاهلتني .. وظلمتني .. ومرمرتني
لا تصور من عفتني .. أظل من بعدك أقاسي
عزيز الرسام

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.