البوم: بانت الاعيبك

  • البوم : البوم: بانت الاعيبك
  • صدر سنة : 1993
الغلاف اسم الاغنية الوقت
إبعد عني يابن الناس song cover إبعد عني يابن الناس ألحان : كاظم الساهر كلمات : عزيز الرسام الفنان: كاظم الساهر المزيد من التفاصيل 5:38

ابعد عني ياابن الناس


ابعد عني ياابن الناس خليني بمرراي وروح
شداوي جرح جرحين شو ميه جرح مجروح
ابعد ابعد
منين اجيت انت أشجابك لدنياي ما تحمل مراري ولاترغب وياي
ابعد عني ياابن الناس خليني بمراري وروح
ابعد ابعد ابعد
ظل انت بسماك وطير لاتوكر على اغصاني
خوفي لاترد مجروح وأظل من جرح اتعاني
ابعد عني
لاتحاول تره تتعب حياتي من الصعب اصعب
وانت بعدك زغير طريقي نار لاتكَرب
ابعد ابعد ابعد
ماأشجعك تتبعني حياتي صخره في صحراء
كل ما بيهه متحجر بس اشواكهه هم خظراء
لاتبجي احس دمعك ينزل نار بظلوعي
اصبرك واني متأذي و كوه مسكت ادموعي
ابـعد عني ياابن الناس
ابعد ابعد ابعد
الليله song cover الليله ألحان : كاظم الساهر كلمات : كريم العراقي الفنان: كاظم الساهر المزيد من التفاصيل 4:55

الليـــــــــلة


الليلة يحلى سهرنا الليلة
الليلة فرحة عمرنا الليلة
نهني بعض و نبارك و الكل سعيد يشارك
حتى البعيد الغايب احلى الغنى نغني له
وانت الوحيد الساكت شارك اجا دورك
لا تسرح أبقي و يانا أسعدتنا بحضورك
كل أزمة و الها حل الأيام بحلها كفيلة

يا أصدقاء يا أحبة خلونا نعيش حياتنا
كل الفرص ذهبية يالله نعوض اللي فاتنا
جمال شباب محبة كل الوجوه جميلة

و انتم كبار السن اصل الشباب بالروح
يحلى الجمال من يكبر
عمر الجمال ما يروح
ضحكة من القلب تطلع
أكبر حزن تشيله

و أنت يا شمعة عمري غمض لي عيونك لحظة
مفاجأة حلوة جبت لك
تفرح بيها و ترضى
فتح لي عيونك لحظة .. أحبك
ما أسعدنا الليلة
رحال song cover رحال ألحان : كاظم الساهر كلمات : كريم العراقي الفنان: كاظم الساهر المزيد من التفاصيل 3:42

رحــــــــــــــال


أتشكو للناس جرحاً أنت صاحبه؟؟
لا يؤلم الجرح إلا من به ألم
********
رحّال .. رحّال ..
أنا مهرتي جرحي سفر عمري طويل
أعثر وأرد أنهار أضعف مستحيل
زمني يعاندني ويخطف ما أريد
حزني كسر ظهري قيدني بحديد
أرجع وأصيح الله .. الله وأبدأ من جديد
يا شاكي لا تشتكي الله كريم الله
الشكوى لغير الله مذلة
بصبرك وبسهرك ما يبقى نفس الحال
جرحك غطا وفراش
دور لعلتك دوى ما من دوى ببلاش
يا روحي أصعب سفر سفري الل بلا مال
من جرحه تصنع أمل
قدرك تظل رحال .. يا رب يعين البشر
مرات تحمل قهر ما تحمله الجبال
بانت الاعيبك song cover بانت الاعيبك ألحان : كاظم الساهر كلمات : كاظم الساهر الفنان: كاظم الساهر المزيد من التفاصيل 5:08

بانت ألاعيبك


بانت ألاعيبك ألعب بعيد ألعب
أعرف أساليبك لا ترواغ وتتعب
أسرك أسراري وأسمعها من غيرك
وأنا اللي واثق بيك وبحسن تقديرك
ما أشعرك بالنقص بس ردتك أنت تحس
هذا هو عيبك لا تزعل وتغضب
تصرفك هذا يسبب لي الإحراج
مهما أختلف وياك أبقى إلك محتاج
هو طبع بيك لو حظي يخليك
ما تلزم لسانك الله يهديك
من كثر تأنيبك حسستني بالذنب
يرضيك من أمشي أصحابي تتهامس
كلهم يلوموني أرحم حبيبك بس
أيش سويت لك آني
فوق حرماني .. وتضحيتي من اجلك
تغرقني بأحزاني
نفس الأذى يصيبك لو يغرق المركب
ايش حلو طولك song cover ايش حلو طولك ألحان : كاظم الساهر كلمات : كاظم الساهر الفنان: كاظم الساهر المزيد من التفاصيل 5:56

أيش حلو طولك


أيش حلو طولك من تمشي وأنا أراك
عفا قلبي الل حمل ناري ونارك
إذا أنت تعب حيلك أنا ركّّّّّّ
عليل أشفى إذا مريت بيه
أنا أيش سويت عذبني زماني
أنا بلاياك حال الظيم حالي
يحن لي الغير وأنت لا مبالي
أريد أنهض وما بالحيل قوة
على أجتافي(أكتافي) أشيلك ثوب قوة
إجاكم يا لحانا الشيب قوة
بعدنا صغار على الهم والأذية
أنا أيش سويت عذبني زماني
أنا بلاياك حتى الماي مرمر
قلب شفاف قلبي وأنت مرمر
عجب يرضيك يا خلّ أتمرمر
هلي والناس والدنيا عليه
*********
مُرة .. ُمرة ..عشرتي وياك مُرة ..
ومن أريد أنساك يمنعني القلب ويذبله حسرة
يا جمرتي الل ما طفت والماي تشوى
حسبت يطفيها دمعي .. تاري دمعاتي على خدي نار كَبرى
مُرة .. مُرة .. والمرارة تزيد
لل يمشي بجزيرة ومالقى وسادة محبة تريح ظهره
مُرة .. مُرة .. والمرارة تزيد
لل ما يلقى فيّ وينتشي على الشيب عمره
يا نهر والحسرة حسرة ..
كونني بثوب الحزن وأنا بشابي
والحزن على الخد أصبره مُرة .. مُرة ..
مُرة .. ُمرة ..عشرتي وياك مُرة ..
ومن أريد أنساك يمنعني القلب ويذبله حسرة
معلم على الصدمات song cover معلم على الصدمات ألحان : كاظم الساهر كلمات : كريم العراقي الفنان: كاظم الساهر المزيد من التفاصيل 7:53

معلم على الصدمات


معلم على الصدمات قلبي ربيته بهمومي و جراحي
الله على البلوى يعينك
جرحي الجديد و ين أضمه ما ضل مكان الل بيه صاحي
خلي المصايب وحدة وحدة
لا كلهن تصبهن علي
لو سهم واحد كنت أصده أجمل سهامك مية مية
ايش مرمرني غيرك أنت
ايش دمرني غيرك أنت
وين العدل بيني و بينك
سمعنا سمعنا خل نسمع ونينك

سووها بيه أقرب الناس
من ياهم احتر و اكتب الشر
ما ضل بعد بالدنيا مقياس
تنادم على تنادم تجبر
ما ينوصف همي الل عليه
اضحك غصب و الل بيه بيه
سمعنا و خل نسمع ونينك

جيب الطبل و الناي و الدف
يا دنيا مدعوة بحفلتي
صفقي و اضربي الكف على الكف
دلل العزيز الل بيه غدرتي
ماينوصف همي الل علي
اضحك غصب و البيه بيه
سمعنا و خل نسمع و نينك
لاتحرموني منه song cover لاتحرموني منه ألحان : كاظم الساهر كلمات : كريم العراقي الفنان: كاظم الساهر المزيد من التفاصيل 8:22

لا تحرموني منه


لا تحرموني منه بالغصب و الإكراه
لا تبعدوني عنه هذا أكبر ظلم والله
هو اللي رجع لي ضحكتي
آني حر هذا قراري
والقرار هو قراري
أسمعوا رفضي وصرختي
لا تغصبوني .. لا تمنعوني
هو وجداني .. ونصفي الثاني
يا وحيدي يا حبيبي صابرين والأمر لله
لو حبستوني بغرفتي .. لو حبستوه بغرفته
آني يمكم جسد باقي .. روحي يمه ضو شمعته
أبد ما يهمك حبيبي .. آني إلك مهما يكون
والسهر والتعب كله لخاطر عيونك يهون
أنا أشلون أتخلى عنه .. و أنا أتنفس بامتداده
قلقي خوفي عليه .. يا عمري طمني على حاله
المهم أنت حبيبي شلونك بهاي الظروف
والله يوم اللي ما أشوفك كل شي ما أقدر أشوف
خليتك انت الحكم song cover خليتك انت الحكم ألحان : كاظم الساهر كلمات : كريم العراقي الفنان: كاظم الساهر المزيد من التفاصيل 6:09

خليتك أنت الحكم


وحدك حزين ومحترق ومنهارة أعصابك
لا تخلي في صدرك حزن وأشتكي إحنا أصحابك

*************
خليتك أنت الحكم تنصف قلت بالعدل
ردتك صديق وحبيب وتعاملني بالمثل
ما أتصورت تستغل وتزيد حملي حمل
الذنب ذنبي أنا رخيت لك الحبل
أمحي وأسامح زمان .. و أغفر لك ذنوبك
مو فاض حد الصبر .. وما أتغير أسلوبك
يا أخي أنت قلبك حجر وتبجي محبوبك
إرتكز بالله عليك مذبوح وذبحي بإيديك
كم يوم مر أنتهى وأنت بمزاجك ليش؟؟
صدري أتلى بقسوتك يصعب عليه العيش
من تشوفني أتجاهلك تراضيني من بعد أيش
إرتكز بالله عليك مذبوح وذبحي بإيديك
مبروك عليك song cover مبروك عليك ألحان : كاظم الساهر كلمات : كاظم الساهر الفنان: كاظم الساهر المزيد من التفاصيل 5:11

مبروك عليك


مبروك عليك بنت الحلال
مبروك عليك ملكة جمال
حلوة وأميرة ترضى بحصيرة
دمها الخفيف يكمله الدلال
أهل العريس هنوا العروسه
تستاهل الحلوة على كل خد بوسه
أهل العروس هنوا العروسه
تستاهل الحلوة على كل خد بوسه
صفق وجامل يالله علي الهلاهل
لا تبقى خامل الليلة خميس
حلوة وأميرة ترضى بحصيرة
رأي العشيرة ريم وغزال
يا ربي يسعدكم كل السعادة
واللي يتمنى يحصل مراده
حلوة وأميرة ترضى بحصيرة
توفي بجزيرة البنت الحلال
محروس song cover محروس ألحان : كاظم الساهر كلمات : كاظم الساهر الفنان: كاظم الساهر المزيد من التفاصيل 7:56

مــــــحــــــــــروس


محروس من عين البشر و أولهم عيوني
باردة عيوني عليك
يا خوفي مني و الحذر من ناري وجنوني
باردة عيوني عليك
عيونك الحلوة بحر لو فرصة ينطوني
غرقني بيه كل العمر من كل شي حرموني
لو بيدي ابني لك قصر
جزيرة ما يمرها بشر
بس اني و وحيدي
بليلي احجي لك قصص
و احرص عليك كل الحرص
تبرد أدفيك تعطش أرويك
يا قدري و أحلى قدر
محروس من عين البشر محروس
*****
جزيرتي من أحلى الجزر و انت الل محليها
بوجودك أنت يا بدر جنه أنا أخليها
توسد ذراعي بالحضن مثل الطفل أرعاك
أنت حبيبي و اطمئن مشدودة روحي و ياك
يا قدري و أحلى قدر محروس من عين البشر محروس
يا عمري أنت أشكرك عز السعادة وياك
ما ابخل عيوني الك و بروحي اتفداك
اقترب من عندي بعد ضم روحك بروحي
القلب بيتك للابد تستاهله يا روحي
يا قدري و أحلى قدر محروس من عين البشر محروس
الـنـار song cover الـنـار ألحان : كاظم الساهر كلمات : عزيز الرسام الفنان: كاظم الساهر المزيد من التفاصيل 6:51

النـــــــــــار


النار أصيح النار يا روحي أصيح النار
حرقتني من مررت و بحالي مدري ايش صار
هي عيونها عيون بيها الكحل رباني
هي خدودها خدود لو تفاح لبناني
يا ويلي من النار الل بيه يا ويلي حرقتني هي
انصبت بسهم عيونها و ماحد سما عليه
وين الل يواسيني وين الل يصبر المحتار

يا ترى تشعر بيه وتدري بلهفتي عليها
يا ترى تحس بحالي و لا حظي منسيها
أثيرها بيا صورة حتى المرايا مللت
و لبست أشكال ألوان هي ما مرة بتبهل

يا هو يا هو وياها
يا هو الل يحكي وياها
و يوصل أخباري ويقلها أتمناها
وين الل يواسيني ويصبر المحتار

بلوى بلوته بلوة اللي عشق هالحلوة
ما نام ساعة بليله و السهر هدم حيله
و بالنار قلبه تشووى

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.